2019 йил мобайнида 1550 нафар ўзбекистонлик қиз туркиялик йигитларга турмушга чиққан. Айни пайтда 11 нафар ўзбекистонлик йигит туркиялик қизларга уйланган. Бу рақамлар Туркия статистика ташкилотининг оила қуриш ва ажрашишга оид ҳисоботида акс этган.
Ҳужжатга мувофиқ, ўтган йили туркияликлар энг кўп Сурия (14,5%), Озарбайжон (11,7%), Германия (10,5%) ва Марокаш (7,8%) ватандоши бўлган қизлар билан оила қурган. Ўзбекистонлик келинлар бу рўйхатда 6,7 фоиз билан бешинчи ўринда келмоқда.
Чет эллик куёвлар орасида эса Германия (31%) ва Сурия (16,4%) ватандошлари пешқадамлик қилмоқда.